Versión en Español

Ka´aooten

Síijen tu kaajil Jo’ Yucatán, tene’ líik’saben tu batsil jump’éel kuchkabal jach nuupulo’ob, óol tuláakal ko’olelo’ob. Kaansa’aben ichil u tuukulil meyaj ti’al máak yéetel u chíimpolalil u páajtalil ko’olelo’ob ti’al u malo’obtal u kuxtal, u táakpajal ich kaaj yéetel u meyaj je bix tuláakal máake’.

In taata’obe’ tu ye’esajo’ob tene’ u meyaj máak ma’alob yéetel nu’ukane’ u jach ma’alob bejil ti’al u béeykuntik máak ba’ax ku kaxantik, yéetel jump’éel ma’alob kaambesaj beey xan u yutsil u k’aaba’ máake’ le  jach ma’alob ba’al ku pàajtal u p’áatal ti’ u paalal máak.

Le ka xooknajen tu najil xook Facultad de Derecho ti’ u molayil Universidad Autónoma de Yucatáne’ yéeyaben ti’al in jo’olint u múuch’kabil xoknáalo’ob Federación Estudiantil Universitaria le tu’ux táakpaja’an tuláakal u najilo’ob xook le Universidado’.

Yéetel u yáantaj xookil jump’éel molayil u k’aaba’ Fundación Internacional para Iberoamérica de Administración y Políticas Públicas binen tu kaajil Madrid tu lu’umil España ti’al in xok u noj kaambalil Maestría.

In beetmaj u Jo’olpóopil u Noj Múuch’kabil PRI tu lu’umil Yucatán, in jo’olintmaj u Molayil Coordinación Metropolitana de Yucatán, in Jo’olintmaj u Molayil Instituto de Seguridad Social de los Trabajadores del Estado de Yucatán, te’elo’ tin kanaje’ le meyaj nu’uka’an ti’al kaaj beey xan u ts’a’abal ti máak ba’ax unajo’, le u jach ma’alobil bix  u yilal bix leti’ máak.

Bejla’e’ yaan ten u páajtalil in jo’olintik u ye’esajil in partido PRI, ikil in beetik in candidatoil ti’al u jala’achil u méektankaajil Jo’, kin nib óoltik u yóolil yéetel le áantajil tsa’ab tena’, kin wa’alik ma’ tin in p’ate’ex k’aasil.

Kin na’atike’ le políticao’, u yóolil meyaj ku ts’a’abal ti’al u yáanta’al le máako’obo’, in noj ts’íibolale’, in meyaj ti’al u kuxtalil tu paach k’iin je bix k’abéet ti’ máaxo’ob kun taal ichil le kuxtalo’.

¡Ts’o’ok líik’sikbaj ti’al k-bin tu kuxtalil paach k’iin!

Share